Վիրաբույժները կնոջ որովայնի խոռոչից հեռացրել են ֆուտբոլի գնդակի չափով ուռուցքը

Ռուսաստանի Նոր Ուրենգոե քաղաքում վիրաբույժները կնոջ որովայնի խոռոչից հեռացրել են ֆուտբոլի գնդակի չափով ուռուցքը:

Բացի հսկայական ուռուցքից՝ կնոջ մոտ եղել է նաեւ շաքարային դիաբետ եւ սրտի իշեմիկ հիվանդություն: Բացի այդ, նա կաթված է տարել: Հենց այդ պատճառով ավելի վաղ մի քանի կլինիկա հրաժարվել է վիրահատություն կատարել: Այդ ժամանակ կնոջ ընտանիքը որոշել է նրան տեղափոխել Նոր Ուրենգոե քաղաքի հիվանդանոց, որտեղ նա բարդ վիրահատության է ենթարկվել:

Ստացիոնար բուժման ընթացքում բժիշկներին հաջողվել է կոմպենսացնել շաքարային դիաբետն ու կարգավորել արյան ճնշումը: Դրանից հետո պացիենտին տեղափոխել են օնկոլոգիական բաժանմունք, որից հետո վիրահատել են: Հսկայական ուռուցքը հեռացնելու համար մի քանի ժամ է պահանջվել: