Աշխարհում ավելի քան 100 000 մարդ է բուժվել կորոնավիրուսային վարակից. ԱՀԿ
20:46 27 մարտի, 2020Աշխարհում ավելի քան 100 000 մարդ է բուժվել COVID-19 կորոնավիրուսային վարակից: Այդ մասին Ժնեւում ճեպազրույցի ժամանակ հայտարարել է Առողջապահության համաշխարհային կազմակերպության (ԱՀԿ) գործադիր տնօրեն Թեդրոս Ադանոմ Գեբրեյեսուսը:
«Այժմ հաստատված է COVID-19-ով վարակման ավելի քան կես միլիոն դեպք, եւ ավելի քան 20 000 մարդ է մահացել: Դրանք ողբերգական թվեր են, սակայն եկեք նաեւ հիշենք, որ աշխարհում ավելի քան 100 000 մարդ բուժվել է»,-ասել է նա:
Նշենք, որ worldometers.info/coronavirus/-ի ներկայացրած մարտի 27-ի, ժամը 20:45-ի տվյալներով՝ կորոնավիրուսից բուժվածների թիվը հասել է 124 395-ի, մահերի թիվը՝ 24 114-ի, իսկ վարակվածներինը՝ 536 477-ի: