Կա՞ արդյոք կապ կյանքի տեւողության եւ մազերի գույնի միջեւ

23:36   30 մարտի, 2020

Մուգ գույնի մազերով մարդիկ կյանքի տեւողությամբ սովորաբար զիջում են բաց գույնի մազերով մարդկանց։ Այսպիսի անսպասելի եզրակացություն են արել Nature Communications ամսագրում հրապարակված նոր հետազոտության հեղինակները։

Գիտնականները ուսումնասիրել են ավելի քան 200 000 տղամարդկանց գենոմը եւ պարզել, որ թխահերների մոտ սեռական հասունացումը ավելի վաղ է սկսվում, քան շիկահերների մոտ։ Իսկ վաղ սեռական հասունացումը, ինչպես արդեն հայտնի էր գիտնականներին, բարձրացնում է սրտանոթային հիվանդությունների եւ երկրորդ տիպի շաքարախտի զարգացման հավանականությունը

Հեղինակները ենթադրում են, որ կապ կա սեռական հասունացման եւ մազերի գույնի միջեւ, եւ դա կապված է հիպոֆիզի աշխատանքի հետ, որը օրգանիզմի զարգացումը կարգավորող հորմոններ է արտադրում։



© NEWS.am Medicine