ԱՄՆ-ում հավանություն են տվել տնային պայմաններում օգտագործման համար կորոնավիրուսի թեստին

ԱՄՆ սննդամթերքի եւ դեղամիջոցների որակի սանիտարական վերահսկողության վարչությունում (Food and Drug Administration (FDA)) հավանություն են տվել տնային պայմաններում օգտագործման համար կորոնավիրուսի թեստին: Թեստն օգնում է տնային պայմաններում քթից կենսաբանական նյութի նմուշներ հավաքել:

Սկզբնապես LabCorp-ի «Pixel» թեստը հասանելի կլինի բուժաշխատողներին: Այն իր մեջ ներառում է անհրաժեշտ իրեր, որպեսզի պացիենտը կարողանա ինքնուրույն նմուշ հավաքել: Թեստի արդյունքները հրապարակվում են համացանցում ընկերության պաշտպանված կայքում:

Տնային թեստի համար նախ պետք է լրացնել օնլայն հարցաթերթիկը: Եթե ձեր կասկածները հաստատվեն բժշկի կողմից, ապա LabCorp-ը ձեզ կուղարկի տնային թեստի օրինակը:

Նոր մոտեցումը պետք է օգնի ընդլայնել թեստավորման հնարավորությունները: Ավելին, այն կօգնի նվազեցնել նմուշ վերցնելիս բուժաշխատողների համար վարակման ռիսկը: