Արդյո՞ք կորոնավիրուսը կարող է անպտղության պատճառ դառնալ

Արդյո՞ք կորոնավիրուսը կարող է անպտղության պատճառ դառնալ: Հարցի պատասխանը տրվում է նոր հետազոտության մեջ, որն անցկացրել են Ցզինինի բժշկական համալսարանի (Jining Medical University) գիտնականները:

Կորոնավիրուսով վարակումը կարող է ազդել կանանց վերարտադրողական համակարգի վրա՝ պարզել են հետազոտության հեղինակները: Հնարավոր է, որ պաթոգենը կարողանա թափանցել միզասեռական համակարգի օրգաններ, քանի որ դրանցում կա մեծ քանակությամբ ACE2 սպիտակուց:

Այդ սպիտակուցը նաեւ պարունակվում է լյարդի, երիկամի եւ ԿՆՀ-ում: Թոքերում այն եւս շատ է, այդ պատճառով կորոնավիրուսը հաճախ խոցում է հենց թոքերը:

Գիտնականների խոսքով՝ կորոնավիրուսը կարող է վարակել ձվարանները, արգանդը, հեշտոցը, եւ տեսականորեն կարող է անպտղության հանգեցնել:

Ինչպես նաեւ գիտնականները զգուշացրել են դաշտանային ցիկլի խախտումների մասին: