Որոշ մարդիկ այսօր հերքում են COVID-19 կորոնավիրուսի գոյությունը: Սովորաբար նման մարդիկ թույլ հոգեկան առողջություն ունեն: ՌԻԱ Նովոստիին նման կարծիք է հայտնել բժշկական գիտությունների դոկտեր, պրոֆեսոր, ՌԴ վաստակավոր բժիշկ Յուրի Բուբեեւը:
«Հերքումը հոգեկանի պաշտպանիչ հատկությունն է: Նման արձագանքն առաջանում է թույլ հոգեկան առողջություն ունեցողների մոտ: Բացի այդ, հերքումը հիմնվում է այսպես կոչված բազային պատրանքների վրա: Դրանք կան յուրաքանչյուրի մոտ, սակայն որոշ մարդկանց մոտ ավելի ուժեղ են արտահայտված: Դրանցից մեկը՝ ինձ հետ ոչ մի վատ բան չի լինի: Այդ պատրանքները պահպանվում են այնքան ժամանակ, քանի դեռ նրանց շրջապատից ինչ-որ մեկը չի մահացել»,-ասել է մասնագետը:
«Կան մարդիկ, որոնք հավատում են, որ Երկիրը հարթ է: Որքան էլ նրանց համոզենք, անօգուտ է»,-ասել է Բուբեեւը:
Նրա խոսքով՝ ամենից շատ վտանգ են ներկայացնում այն մարդիկ, որոնք կատարում ինքնամեկուսացման պահանջները, սակայն հենց նրանք կարող են վարակակիրներ համարվել: