COVID-19-ի համավարակը կարող է վտանգավոր լինել փսիխոզով մարդկանց համար
15:11 13 մայիսի, 2020COVID-19-ի ֆոնին փսիխոզի տարածման մեծացումը, հավանաբար, կապված կլինի վիրուսային ազդեցության, առկա ախտորոշումների եւ հոգեսոցիալական սթրեսի հետ: Այս մասին նշված է Մելբուռնի Օրիգեն եւ Լա Տրոբ համալսարանի (Ավստրալիա) հետազոտողների նոր աշխատանքում:
Նրանք կատարել են համաճարակաբանական եւ համավարակային հետազոտությունների արագ ընդհանրացում՝ գնահատելու համար փսիխոզով մարդկանց վրա COVID-19-ի պոտենցիալ ազդեցությունը: Աշխատանքը ցույց է տվել, որ փսիխոզով մարդիկ կարող են լուրջ խնդիր եւ պոտենցիալ վտանգ ներկայացնել նրանց հետ աշխատող կլինիկական խմբերի համար:
«COVID-19-ը բոլորի համար անչափ սթրեսային փորձություն է, հատկապես նրանց համար, ովքեր արդեն հոգեկան առողջության խնդիրներ ունեն: Մենք գիտենք, որ փսիխոզը եւ փսիխոզի առաջին դրվագները, որպես կանոն, առաջանում են զգալի հոգեսոցիալական սթրեսների հետեւանքով: COVID-19-ի համատեքստում դա կարող է ներառել մեկուսացման հետ կապված սթրեսը եւ ընտանիքում մնալու անհրաժեշտությունը նույնիսկ բարդ փոխհարաբերությունների պարագայում»,- ասել է Օրիգենի գիտաշխատակից եւ հետազոտության համահեղինակ, բժիշկ Էլլի Բրաունը:
Բժիշկ Բրաունի խոսքով՝ չնայած հոգեկան խանգարումները, ինչպիսին են դեպրեսիան եւ տագնապայնությունը, կարեւոր են COVID-19 համավարակի ֆոնին վերահսկման համար, հանրությունը պետք է հասկանա, որ համավարակը կարող է ազդեցություն ունանալ նաեւ հոգեկան խանգարումների ավելի սակավաթիվ, բայց ավելի լուրջ սպեկտրի վրա: