375 բուժաշխատողների մոտ կորոնավիրուս է հաստատվել․ նախարար
12:35 21 մայիսի, 2020Հայաստանի բժշկական հաստատությունների 375 աշխատակցի մոտ հաստատվել է կորոնավիրուսային վարակ։ Այս մասին լրագրողների հետ հանդիպման ժամանակ ասաց առողջապահության նախարար Արսեն Թորոսյանը:
Նրա խոսքով՝ այս պահի դրությամբ կորոնավիրուսային վարակով բուժաշխատողները ընդհանուր դեպքերի 6-7 տոկոսն են կազմում։
«Այս պահին բժշկական հաստատությունում 375 հոգու մոտ է հաստատվել, ինչը կազմում է մեր հիվանդների 6-7 տոկոսը։ Նրանք, լինելով ամենաբարձր ռիսկային գոտում գտնվող քաղաքացիները, ավելի շատ են հիվանդանում»,- ասաց նախարարը՝ հավելելով, որ խոսքը վերաբերում է ոչ միայն բժիշկներին եւ բուժքույրերին, այլ նաեւ ոչ բժշկական անձնակազմին, օրինակ, շտապօգնության վարորդներին, տեխնիկներին։