Վերջին 24 ժամվա ընթացքում կորոնավիրուսով վարակման դեպքերի ռեկորդային թիվ է գրանցվել. ԱՀԿ
16:10 22 հունիսի, 2020Հունիսի 21-ին աշխարհում մեկ օրվա ընթացքում կորոնավիրուսով վարակման դեպքերի ռեկորդային թիվ է գրանցվել՝ 183.020 մարդ: Այս մասին նշվում է Առողջապահության համաշխարհային կազմակերպության (ԱՀԿ) զեկույցում, որը հրապարակվել է կազմակերպության կայքում:
«Լենտա»-յի փոխանցմամբ՝ նոր դեպքերի ամենամեծ թիվը գրանցվել է Ամերիկայում: Երկրների շարքում առաջատար են Բրազիլիան (55.000), ԱՄՆ-ն (37.000) եւ Հնդկաստանը (մոտ 15.000 նոր դեպք):
Աշխարհում կորոնավիրուսով վարակվածների ընդհանուր թիվը հասել է 9 051 949-ի: Ըստ worldometers.info-ի տվյալների՝ մահացել է 470 822 հիվանդ, վերականգնվել է 4 842 043-ը:
Ինչ վերաբերում է Հայաստանին, ապա այստեղ հունիսի 22-ի ժամը 11-ի դրությամբ գրանցվել է նոր տեսակի կորոնավիրուսով վարակման 320 դեպք: Ըստ ՀՀ առողջապահության նախարարության Հիվանդությունների վերահսկման եւ կանխարգելման ազգային կենտրոնի տվյալների՝ հունիսի 22-ի դրությամբ հաստատվել է կորոնավիրուսով վարակման ընդհանուր 20588 դեպք: 360 հիվանդ մահացել է (օրական 10 մարդ): Անցած օրվա ընթացքում կորոնավիրուսով վարակված եւս 3 հիվանդ մահացել է այլ հիվանդություններից: Գրանցվել է ընդհանուր 117 այդպիսի դեպք: