Վեց պարզ սովորությունը կօգնի նիհարել եւ երկար ժամանակ պահպանել ցանկալի քաշ, ինչպես պնդում է Ավստրալիայից դիետոլոգ Լիաննա Ուորդը։
Ինչպես պատմում է The Daily Mail պարբերականը, երազանքի կազմվածք ունենալու համար անհրաժեշտ է հետեւյալ փոփոխությունները կատարել ձեր կյանքում․
1.Դադարեք սթրեսը, ձանձրույթն ու տխրությունը հաղթահարել ուտելիքի միջոցով
Դիետոլոգը խորհուրդ է տալիս գտնել ուրիշ հաճույք հույզերը սպառելու համար։ Որպես օրինակ՝ նա նշել է ընթերցանությունը կամ զբոսանքը։ Նա նաեւ խորհուրդ է տվել խմել կիտրոնով հյութ կամ մեկ բաժակ թեյ։ Ծարավը հաճախ շփոթում են քաղցի հետ, ուստի նախքան սնվելը դիետոլոգը խորհուրդ է տալիս խմել մեկ կում ջուր։
2.Ճաշին օգտագործեք բանջարեղեն
Մասնագետը նաեւ խորհուրդ է տալիս ճաշին ուտել աղցան կամ բանջարեղեն։
«Եթե դուք չեք սիրում բանջարեղեն, փորձեք պատրաստել սմուզի դրանց համը չզգալու համար։ Օրինակ՝ կարելի է պատրաստել ընպելիք սպանախից կամ ցուկինիից»,-ասել է Ուորդը։
3.Կրճատեք կիսաֆաբրիկատների քանակը
Դիետոլոգի երրորդ խորհուրդն է կրճատել կիսաֆաբրիկատների քանակը՝ օգտագործելով այն շաբաթական երկու անգամ։
«Փորձեք բնական մթերքի վրա հիմնված ձեր սննդակարգում ավելացնել առողջ ճարպեր, օրինակ, ավոկադո, չզտած բուսայուղ եւ ընդեղեն»,-ասել է մասնագետը։
4.Սնունդը դանդաղ ընդունեք
Ուորդը նաեւ խորհուրդ է տալիս սնունդն ընդունել դանդաղ՝ մանրակրկիտ ծամելով նախքան կուլ տալը։ Նա հիշեցրել է, որ հագեցվածության զգացումը վրա է հասնում սնունդ ընդունելուց միայն 20 րոպե անց։
«Փորձեք խոհուն կերպով ընդունել սնունդը՝ ուշադրություն դարձնելով նրան, թե ինչով եք սնվում»,-ասել է նա՝ հավելելով, որ պետք է կենտրոնանալ սննդի վրա, ոչ թե հեռուստացույցի, հեռախոսի կամ պարբերականի։
5.Փորձեք ավելի շատ շարժվել
Դիետոլոգը նաեւ խորհուրդ է տալիս ավելի շատ շարժվել։ Նիհարելու 70 տոկոսը կախված է սննդից, իսկ 30 տոկոսը՝ շարժումից։ Մասնագետի կարծիքով՝ ցանկալի է կատարել 10 000 քայլ օրական։ Իսկ աշխատանքային օրվա ընթացքում անհրաժեշտ է արթնանալ հնարավորինս շուտ շարժուն եւ առողջ մնալու համար։
6.Ջուր խմեք սնունդ ընդունելուց առաջ եւ դրա ժամանակ
Վերջապես դիետոլոգը խորհուրդ է տալիս ջուր խմել սնունդ ընդունելու ժամանակ եւ դրանից առաջ։
«Մեկ բաժակ ջուրն ուտելուց առաջ կօգնի պահպանել քաշը եւ զսպել սննդի ընդունման չափը»,-ասել է մասնագետը։