Երկրի վրա յուրաքանչյուր 15 վայրկյանը մեկ 1 մարդ է մահանում. Reuters
19:30 5 օգոստոսի, 2020Աշխարհում կորոնավիրուսից մահվան դեպքերի թիվը գերազանցել է 700 000-ը՝ համաձայն Reuters գործակալության հաշվարկների:
Ընդ որում, ԱՄՆ-ը, Բրազիլիան, Հնդկաստանն ու Մեքսիկան առաջատար դիրքեր են զբաղեցնում երկրների ցուցակում, որտեղ կորոնավիրուսից մահացության ամենաբարձր ցուցանիշներն են գրանցվել:
Կորոնավիրուսից ամեն օր մահանում է մոտ 5900 մարդ՝ նշում է գործակալությունը:
Այլ կերպ ասած՝ ամեն ժամ մահանում է 247 մարդ, եւ 1 մարդ է մահանում յուրաքանչյուր 15 վայրկյանը մեկ:
Ավելի վաղ ԱՄՆ նախագահ Դոնալդ Թրամփը հայտարարել է, որ երկրում կորոնավիրուսի բռնկումը հսկողության տակ է:
Գործակալությունը նշում է, որ ԱՄՆ-ում կորոնավիրուսից մահացել է արդեն ավելի քան 155 000 մարդ:
«Այո, նրանք մահանում են: Դա ճիշտ է…Սակայն դա չի նշանակում, որ մենք չենք անում ամեն ինչ, ինչ կարող ենք անել: Կորոնավիրուսի բռնկումը մեր հսկողության տակ է: Դա սարսափելի ժանտախտ է»,-Axios-ին տված հարցազրույցում ասել է Թրամփը: