ԱՀԿ. Եվրոպայում կորոնավիրուսի փոխանցման մակարդակը մտահոգություն է առաջացնում
16:19 17 սեպտեմբերի, 2020Եվրոպայում կորոնավիրուսի փոխանցման մակարդակը մտահոգություն է առաջացնում: Այս մասին հայտարարել է ԱՀԿ եվրոպական բյուրոյի տնօրեն Հանս Կլյուգեն, հաղորդում է ՏԱՍՍ-ը՝ Agence France-Presse-ի վրա հղումով:
Նրա խոսքով՝ սեպտեմբերին ստացված թվերը պետք է տագնապալի ազդանշան լինեն Եվրոպայում բոլորի համար: ԱՀԿ-ում նաեւ մտահոգություն են հայտնել՝ կապված կարանտինը կրճատելու մի քանի երկրների որոշման հետ:
«Մենք գիտենք, թե ինչ հսկայական ազդեցություն է մարդու եւ հասարակության վրա գործում կարանտինի նույնիսկ նվազագույն շարունակությունը: Երկրներին կոչ եմ անում հետեւել ստանդարտ գիտական պրոցեդուրային եւ համագործակցել փորձագետների հետ ու միջոցներ փնտրել՝ անվտանգ կրճատելու կարանտինը»,-ասել է Կլյուգեն: