6-ամյա երեխան մահացել է ուղեղ ուտող ամեոբայից, որը նրա օրգանիզմ է անցել ջրի միջոցով
12:32 28 սեպտեմբերի, 2020ԱՄՆ Տեխաս նահանգի Հյուսթոն քաղաքում 6-ամյա Ջոզայա Մաքինթայերը մահացել է ուղեղ ուտող ամեոբայից, որը նրա օրգանիզմ է անցել ջրի միջոցով:
Ինչպես հայտնում է Mirror-ը, երեխայի մոտ հայտնաբերվել է Naegleria fowleri, որը հանգեցրել է մենինգոէնցեֆալիտի զարգացման: Երեխան մահացել է հիվանդանոցում սեպտեմբերի 8-ին:
Երեխայի մահից հետո տարածաշրջանքում հետազոտություններ են անցկացվել, եւ ամեոբան հայտնաբերվել է Հյուսթոնից ոչ հեռու գետերում եւ լճերում: Տեղի իշխանությունները բնակիչներին խնդրել են չխմել քաղաքային ջրմուղի խողովակների ջուր:
Ամեոբային մենինգոէնցեֆալիտի զարգացման պատճառը Naegleria fowleri տեսակի ամեոբան է, որով կարելի է վարակվել կեղտոտ ջրում լողալիս: Ամեոբան քթի միջով ընկնում է հոտառության նյարդի մեջ, իսկ այնուհետեւ՝ գլխուղեղ, ախտահարելով նրա բջիջները: Ըստ վիճակագրության՝ Naegleria fowleri-ով վարակված մարդիկ 98 տոկոս դեպքերում մահանում են: