Մահացել է ՄԻԱՎ-ից ապաքինված առաջին մարդը
16:32 30 սեպտեմբերի, 2020Նրա ֆեյսբուքյան էջում հաղորդվում է, որ Թիմոթի Ռեյ Բրաունը մահացել է ժամը 15.10-ին, իր տանը` ընտանիքի անդամներով եւ հարազատ մարդկանցով շրջապատված:
«Ցավով տեղեկացնում եմ, որ Թիմոթին կյանքից հեռացավ հինգ ամիս լեյկեմիայի դեմ պայքարելուց հետո»,- ասել է նրա զուգընկեր Թիմ Հեֆգենը:
Նրա խոսքով` Թիմոթին երջանիկ մարդ էր, զգաղբում էր ՄԻԱՎ-ի կանխարգելման քարոզով եւ շփվում էր ՄԻԱՎ-ով վարակված մարդկանց հետ:
Նշենք, որ մինչ օրս ՄԻԱՎ-ից լիակատար բուժման միայն երկու դեպք է հաստատվել: Բրաունը համարվում է հաջողության հասած առաջին մարդը: Նրա մոտ ՄԻԱՎ էր ախտորոշվել 1995 թվականին: 2007-ին նա ոսկրածուծի փոխպատվաստման էր ենթարկվել` լեյկեմիան բուժելու համար: Այդ վիրահատության արդյունքում Բրաունին հաջողվեց առողջանալ ՄԻԱՎ-ից:
2019-ին նրա մոտ արյան քաղցկեղի ռեցիդիվ էր ախտորոշվել, իսկ սեպտեմբերի վերջին հայտնի դարձավ, որ նա վերջին աստիճանի քաղցկեղ ունի: Բժիշկների խոսքով` փոխպատվաստումից հետո հիվանդի մոտ ՄԻԱՎ-ն այլեւս չի դրսեւորվում: