Հնարավո՞ր է արդյոք ազատվել սթրեսից տնային պայմաններում: Հնարավոր է՝ պնդում է ընտանեկան հոգեբան Ստանիսլավա Զարուդնայան: «Իզվեստիա»-ի հետ զրույցում նա պատմել է մի քանի միջոցների մասին, որոնք կարող են օգնել ինքնուրույն հաղթահարել սթրեսը:
Առաջին հերթին, հոգեբանը խորհուրդ է տվել բացասական մտքերն ու էմոցիաները գրել թղթի վրա, ապա այրել այն: Դա լայնորեն կիրառվող եւ արդյունավետ միջոց է կուտակված բացասական էմոցիաներից ազատվելու համար:
Թղթի վրա կարելի է նկարագրել այն, ինչը ձեզ անհանգստացնում է, եւ եթե դա բարդ է գրելը, ապա կարելի է պարզապես նկարել:
Սթրեսի դեմ պայքարի մեկ այլ արդյունավետ միջոց է մեդիտացիան: Սակայն դրան, հոգեբանի խոսքով, պետք է պատրաստվել նախապես. դրա համար պետք է ընտրել ազատ ժամանակ, ապա նստել հարմար դիրքով, կենտրոնանալ շնչառության վրա եւ նայել մեկ կետի: