Գիտնականները պատմել են շաքարի նոր վտանգի մասին
23:34 20 հոկտեմբերի, 2020Շաքարի օգտագործումը կարող է կապված լինել այնպիսի վիճակների հետ, ինչպիսին է Ուշադրության պակասի և հիպերակտիվության համախտանիշը (ՈւՊՀՀ): Այս մասին հայտնում են Կոլորադոյի համալսարանի (ԱՄՆ) գիտնականները:
MedicalXpress-ում հրապարակված մամուլի հաղորդագրության համաձայն` հետազոտությունը ցույց է տվել, որ ֆրուկտոզան, որը գլյուկոզայի հետ միասին պարունակվում է շաքարի մեջ, ինչպես նաեւ միզաթթուն, որը արտադրվում է գլյուկոզայի նյութափոխանակության ընթացքում, մեծացնում են վարքի խանգարումների ռիսկը: Դա տեղի է ունենում ֆրուկտոզայի` օրգանիզմի էներգիան վատնելու հատկությամբ, ինչը մարդու մոտ սննդի որոնմանն ուղղված ռեակցիա է առաջացնում, որը նման է սոված վիճակին:
Ստացվում է, որ ֆրուկտոզան ռիսկային, իմպուլսիվ վարք, նորույթի ձգտում, որոշումների արագ կայացում եւ ագրեսիվություն է առաջացնում: Ըստ գիտնականների` այս գործընթացի գերակտիվացումը շաքարի` մեծ քանակությամբ ընդունման պատճառով կարող է իմպուլսիվ վարք առաջացնել, որը կարող է ՈւՊՀՀ, երկբեւեռ խանգարում կամ նույնիսկ ագրեսիա առաջացնել:
Ըստ գիտնականների` արեւմտյան դիետայի մեջ, որին այսօր շատերն են հետեւում, մեծ քանակությամբ շաքար կա, ինչն էլ հանգեցրել է ֆրուկտոզայի ընդունման կտրուկ աճին: Բայց հարկ է հիշել, որ շաքարը կարող է ագրեսիա հրահրող գործոններից միայն մեկը լինել: