Ի՞նչ անել, եթե կորոնավիրուսի պատճառով ջերմությունը բարձրացել է
15:54 21 հոկտեմբերի, 2020Կորոնավիրուսի ժամանակ մինչեւ 38,5 աստիճան ջերմությունը չի կարելի իջեցնել, ավելի լավ է համբերել, քանի որ դա օպտիմալ ջերմություն է վարակի դեմ օրգանիզմի պայքարի համար: Նման խորհուրդ է տվել ՌԴ Դաշնային բժշկակենսաբանական գործակալության գլխավոր վարակաբան Վլադիմիր Նիկիֆորովը «Գովորիտ Մոսկվա»-ի հետ զրույցում:
«Բարձր ջերմությունը վարակի, հիվանդության նշան է, սակայն դա նաեւ նշան է, որ օրգանիզմը պայքարում է: Պետք է համբերել»,-ասել է նա:
Նրա խոսքով՝ օրգանազիմը կորոնավիրուսն ընդունում է որպես սովորական ՍՇՎ, այդ պատճառով դրա վրա կանոնները նույն կերպ են տարածվում: Եթե ջերմությունն իջեցվի, ապա, նրա խոսքով, կստացվի, որ մարդու իմունային համակարգը «վզակոթին հարված է ստանում, որն իրեն ընդհանրապես պետք չէ»:
Սակայն որոշ դեպքերում, մասնագետի խոսքով, ջերմությունը նվազեցնել թույլատրվում է: Մասնավորապես, եթե խոսքը երեխաների մասին է, որոնք վատ են տանում նման վիճակը, պետք է օգտագործել ջերմիջեցնող միջոցներ: