Իսրայելում թեստավորում են կորոնավիրուսի դեմ նոր պատվաստանյութը

Իսրայելում թեստավորում են կորոնավիրուսի դեմ նոր պատվաստանյութը, որը հայտնի է որպես BriLife:

Xinhua-ի հաղորդմամբ՝այդ պատվաստանյութը մշակել է Իսրայելի կենսաբանական հետազոտությունների ինստիտուտը:

Այս ամիս ծրագրվում է պատվաստել երկու հիվանդանոցներում մոտ 80 կամավորի: Նրանց կեսը կստանա իրական պատվաստանյութ, մյուս մասը՝ պլացեբո: 3 շաբաթվա ընթացքում գիտնականները կհետեւեն, թե ինչպես են պատվաստված կամավորների մոտ արտադրվում կորոնավիրուսի նկատմամբ հակամարմինները:

Փորձարկումների երկրորդ փուլը կանցկացվի դեկտեմբերին: Կմասնակցեն 960 կամավորներ: Ի վերջո, երրորդ եւ վերջնական փուլի շրջանակում, որը ծրարգվում է անցկացնել առաջիկա 6 ամիսների ընթացքում, պատվաստանյութի արդյունավետությունը կստուգեն մինչեւ 30 000 մարդու վրա: