Ճապոնիայում եւ Կամբոջայում առաջին անգամ չղջիկների մոտ կորոնավիրուսի «ազգակիցներ» են հայտնաբերել

Չղջիկների օրգանիզմների մեջ, որոնք մի քանի տարի պահվել են Ճապոնիայի եւ Կամբոջայի սառցախցիկներում, գիտնականները հայտնաբերել են կորոնավիրուս, որը համաշխարհային համավարակի հանգեցրած SARS-CoV-2 վիրուսի ազգակիցն է։ Այս մասին հայտնում է Nature ամսագիրը։

Մասնագետներն այդպիսի վիրուս են հայտնաբերել Կամբոջայում երկու կենդանիների մարմինների մեջ, որոնք դեռեւս 2010 թվականից պահվել են սառցախցիկներում։ Եթե պարզվի, որ այս վիրուսը թեկուզ 97 տոկոսով համընկնում է SARS-CoV-2-ի հետ, դա արժեքավոր տեղեկություն կտա վիրուսի ծագման եւ չղջիկներից մարդկանց փոխանցման եղանակների մասին։

«Անկախ այն հանգամանքից, թե կամբոջացի գիտնականների խումբը կոնկրետ ինչ է հայտնաբերել, երկու հայտնագործություններն էլ տպավորիչ են, քանի որ դրանք հաստատում են, որ SARS-CoV-2-ի հետ սերտորեն կապված վիրուսները համեմատաբար հաճախ են հանդիպում պայտաքիթ չղջիկների մոտ եւ նույնիսկ Չինաստանի սահմաններից դուրս հայտնաբերված չղջիկների մոտ»,- ասել է Վիետնամից կենսաբան Էլիս Լատինը։

Իսկ 2013 թվականին Ճապոնիայում բռնված կենդանիների մոտ գտնված վիրուսը ներկայիս կորոնավիրուսի հետ համընկել է 81,5 տոկոսով։ Սա չափից ավելի ոչ մեծ նմանություն է, որպեսզի հնարավոր լիներ վիրուսը համարել SARS-CoV-2-ի ծագման մասին տվյալների աղբյուր․ այն միայն պատկերացում է տալիս կորոնավիրուսների բազմակերպության մասին։ Դրանից բացի, վիրուսի այս տարատեսակը չի կարող փոխանցվել մարդուն։