Մասնագետը հայտնել է կորոնավիրուսի համավարակի իրական պատճառի մասին

Իտալիայում, որտեղից սկսվել է SARS-CoV-2 նոր կորոնավիրուսի տարածումը Եվրոպայում եւ ամբողջ աշխարհում, լուրջ չեն ընկալել նոր ինֆեկցիայի վտանգավորությունը։ Սա էլ հենց հանգեցրել է համաշխարհային համավարակի, կարծում է գերմանացի վիրուսաբան Ալեքսանդր Կեկուլեն։

Նա ZDF հեռուստաալիքի եթերում ասել է, որ մարդկությունը ներկայումս գործ ունի իտալական SARS-CoV-2 շտամի հետ, որը գերակշռում է ուհանյան տարատեսակի համեմատությամբ եւ առաջացել է երկրի հյուսիսում S-սպիտակուցի մուտացիայի պատճառով, ինչը վիրուսն ավելի վարակիչ է դարձրել։ Այսօրվա դրությամբ վիրուսի հենց այս տարատեսակն է հայտնաբերվում ամբողջ աշխարհում պացիենտների ավելի քան 99 տոկոսի մոտ։

Կեկուլեի կարծիքով՝ եվրոպական իշխանությունները եւ հանրությունը սպառնալիքը լուրջ չեն ընկալել եւ անտեսել են վիրուսի վտանգավորության մասին գիտնականների նախազգուշացումները, ինչն արդյունքում հանգեցրել է ներկայիս իրավիճակին։ Սկզբում կորոնավիրուսը տարածվել է ամբողջ Իտալիայում, կարողացել մուտացիայի ենթարկվել եւ հարմարվել մարդու օրգանիզմին, որից հետո սկսել է տարածվել մյուս երկրներում։