Ինչպիսի մարզումներն են հակացուցված COVID-19-ով հիվանդացածներին
18:45 23 հունվարի, 2021Մարդկանց, ովքեր հիվանդացել են COVID-19-ով, տարվա ցուրտ եղանակներին չպետք է մարզումներ կատարեն դրսում: Այսպիսի կարծիք է հայտնել է սպորտային բժիշկ Ելենա Ռյաբինկովան, հայտնում է «ՌԻԱ Նովոստին»:
Նրա խոսքով, ջերմաստիճանի փոփոխությունը՝ տանը չոր եւ տաք օդից դրսի սառը եւ խոնավ օդին անցնելը հանգեցնում է քթաըմպանում եւ շնչափողում էպիթելային մանրաթելերի շարժման կաթվածին, ինչը նպաստում է վերին շնչուղիներում լորձի լճացմանը եւ բարդությունների զարգացմանը:
Բացի այդ, ըստ մասնագետի, ոչ ադեկվատ ֆիզիկական վարժությունները մեծացնում են COVID-19-ից հետո արդեն հաճախակի հետեւանքների՝ միոկարդիտների եւ սթրես-կարդիոմիոպատիայի զարգացման ռիսկը:
Մասնագետի խոսքով՝ ապաքինումից հետո ֆիզիկական ակտիվության նշանակումը պետք է անհատական լինի, եւ պետք է հաշվի առնել հիվանդության ծանրությունը: Ավելին, հայտնի շնչառական համակարգերի օգտագործումը COVID-19-ից ապաքինման բանալին չէ, ասել է բժիշկը:
Ըստ նրա, երկիմաստ են նաեւ Ստրելնիկովայի եւ Բուտեյկոյի մեթոդները, որոնք բժիշկները խորհուրդ են տալիս կորոնավիրուսով պացիենտներին դուրս գրվելիս:
«Կա ածխաթթու գազի կուտակման վտանգ եւ արյան մեջ թթվածնի ու ածխաթթու գազի մասնակի ճնշման միջեւ անհավասարակշռություն առաջացնելու փաստ, կան տվյալներ, որ այդ շնչառական վարժություններն ավելի լավ են օգտագործվում առողջ մարդկանց մոտ»,- ասել է Ռյաբինկովան: