Ավելորդ քաշը կարող է օգտակար լինել կանանց համար. հետազոտություն

Ավելորդ քաշ ունեցող կանայք ավելի լավ են պաշտպանված վաղաժամ մահվան ռիսկից: Այս մասին ասվում է նոր ուսումնասիրության մեջ, որը հրապարակվել է Journal of American Heart Association ամսագրում:

Կալիֆոռնիայի համալսարանի գիտնականները պարզել են, որ մկանային  եւ ճարպային մեծ զանգված ունեցող կանանց մոտ սրտային հիվանդությունից մահանալու ռիսկը 42%-ով ցածր է, քան նրանց մոտ, ում մոտ փոքր է մկանային եւ ճարպային զանգվածը:   

Փորձի շնորհիվ հետազոտողները պարզել են կանանց եւ տղամարդկանց ֆիզիոլոգիական տարբերությունները մարմնի կազմի եւ սրտի հիվանդությունից մահանալու վտանգը դիտարկելիս: Օրինակ ՝ ճարպային եւ մկանային զանգվածի մեծ տոկոս ունեցող տղամարդկանց շրջանում սրտի հիվանդությունից մահանալու հավանականությունը 26%-ով ցածր է, քան նրանց մոտ, ովքեր ցածր ցուցանիշ ունեին երկու ցուցանիշներով: Սրտի խնդիրներից վաղաժամ մահվան ռիսկը կրճատվել է 60%-ով` ճարպի ցածր պարունակության եւ մկանների մեծ զանգվածի շնորհիվ: