Փորձարարական բուժումը կարող է կանխարգելել վաղ դաշտանադադարը
19:00 31 մարտի, 2021Ձվարանների մեջ թրոմբոցիտներով հարուստ պլազմայի եւ գոնադոտրոպինների ներարկումը ցույց է տալիս ձվարանների գործառույթը վերականգնելու խոստումնալից արդյունքներ: Դա ցույց է տվել ուսումնասիրությունը, որի արդյունքները հրապարակվել են Menopause ամսագրում:
Ուսումնասիրության շրջանակում մասնակիցների ձվարանների մեջ ներարկվել են թրոմբոցիտներով հարուստ պլազմա եւ գոնադոտրոպիններ: Բուժումից հետո հետազոտության 12 մասնակիցներից 11-ը վերսկսել են իրենց ցիկլերը, եւ մեկի մոտ կլինիկական հղիություն է սկսվել:
Գիտնականների խոսքով՝ անհրաժեշտ են հավելյալ հետազոտություններ, սակայն ձվարանների ֆունկցիայի հաջող վերականգնման վերաբերյալ այս առաջին արդյունքները հույս են տալիս վաղ դաշտանադադար ունեցող կանանց, ովքեր կարող են հղիանալ արտամարմնային բեղմնավորմամբ՝ օգտագործելով սեփական ձվաբջիջները: