Ինչո՞ւ են թափվում մազերը սթրեսի ժամանակ
23:20 1 ապրիլի, 2021Շատերը նկատել են, որ սթրեսի ժամանակ մազերը թափվում են: Հարվարդից ծագումնաբանները կարողացել են բացատրել այդ օրինաչափությունը:
Ինչպես հայտնում է «ՌԻԱ Նովոստի»-ն, կրծողների մոտ քրոնիկ սթրեսի ժամանակ կորտիկոստերոն է արտադրվում: Հենց դա է ճնշում մազերի աճը: Մարդկանց մոտ այդ հորմոնի նման է կորտիզոլը՝ այսպես կոչված սթրեսի հորմոնը: Դրա մակարդակի բարձրացումը հանգեցնում է մազի ֆոլիկուլների անցումը հանգստի փուլի: Իսկ կորտիկոստերոնի մակարդակի անկումը հանգեցնում է նոր մազերի աճին:
Մանրամասն վերլուծությունը ցույց է տվել, որ կորտիկոստերոնը՝ ազդելով մաշկային պապիլաների վրա, ճնշում է Gas6 գենի էքսպրեսիան: Այդ գենը կապված է սպիտակուցի հետ, որը նպաստում է մազի ֆոլիկուլի ցողունային բջիջների բազմացմանը: Հետեւաբար, Gas6-ի էքսպրեսիայի վերականգնումը նպաստում է մազերի աճի վերսկսմանը:
Քրոնիկ սթրեսը եւ կորտիկոստերոնի մակարդակի բարձրացումը երկարացնում են ցողունային բջիջների հանգստությունը եւ մազերի ֆոլիկուլները պահում են քնած վիճակում: