Ինչպիսի սնունդը կարող է օգնել կանխել մազաթափությունը
21:38 21 մայիսի, 2021Մազաթափության հիմնական պատճառները սովորաբար ցածր սպիտակուցային եւ ցածր կալորիականությամբ դիետաներն են, անառողջ սնունդը, շատ արագ քաշի կորուստը եւ օրգանիզմում ցինկի, երկաթի ու վիտամին B12-ի պակասը: Այսպիսի կարծիք է հայտնել սննդաբան Կինիտա Կադակիա Պատելը (Հնդկաստան):
Մազաթափությունից խուսափելու համար մասնագետը խորհուրդ է տալիս առաջին հերթին կարգավորել սպիտակուցների ընդունումը, քանի որ մազերը հիմնականում բաղկացած են կերատինից, որի սինթեզի համար անհրաժեշտ է բիոտին եւ ամինաթթուներ:
Բացի այդ, դիետոլոգը խորհուրդ է տալիս օրգանիզմում ֆոլաթթվի, ցինկի եւ վիտամինների դեֆիցիտի անալիզներ հանձնել: Եթե դեֆիցիտ կա, այն պետք է լրացնել՝ սննդակարգին անհրաժեշտ նյութեր ավելացնելով:
Եթե սննդակարգը շտկելուց հետո մազաթափությունը չի դադարում, Պատելը խորհուրդ է տալիս դիմել մասնագետի: