Ո՞ր մասնագիտությունների ներկայացուցիչներին է խորհուրդ տրվում պատվաստվել կորոնավիրուսի դեմ
11:50 27 մայիսի, 2021Կորոնավիրուսի դեմ պատվաստումը, ըստ օրենսդրության, չի կարող պարտադիր լինել, բայց Ռուսաստանում որոշ մասնագիտությունների ներկայացուցիչների թույլ չեն տա աշխատել՝ առանց պատվաստման, ասել է բժշկական ոլորտի իրավաբան «Ռեմեզ, Պեչերեյ եւ գործընկերներ» իրավաբանական խմբի ավագ գործընկեր Իվան Պեչերեյը։
Ինչպես տեղեկացնում է ՌԻԱ «Նովոստի»-ն, այդ մասնագետների թվում են բժիշկները, մանկավարժները, սոցաշխատողները։
Նշենք, որ Հայաստանում ներկա պահին կորոնավիրուսի դեմ պատվաստումը կատարվում է կամավորական հիմքով, ընդ որում՝ պատվաստվել կարելի է ոչ միայն պոլիկլինիկաներում, այլեւ քաղաքի հատուկ կետերում։ Ներկա պահին Հայաստանի բնակիչների համար հասանելի են երեք՝ Sputnik V (ռուսական), AstraZeneca եւ չինական ԿորոնաՎակ պատվաստանյութերը։