Քթի սփրեյի տեսքով նոր միջոցը կարող է օգտագործվել Պարկինսոնի հիվանդության բուժման ընթացքում
23:21 27 մայիսի, 2021Յորքի համալսարանից գիտնականները ստեղծել են քթի սփրեյ, որը կարող է օգտագործվել Պարկինսոնի հիվանդությամբ պացիենտներին բուժելու գործում: Medical Express-ի հաղորդմամբ՝ նոր գելը կարող է դիպչել քթի ներսում հյուսվածքներին դրա կազմում ներառված «Լեւոդոպ» դեղամիջոցով՝ օգնելով հասցնել թերապեւտիկ գործակալներին անմիջապես գլխուղեղ:
«Լեւոդոպ»-ը գլխուղեղում վերածվում է դոֆամինի, որը լրացնում է Պարկինսոնի հիվանդություն ունեցող պացիենտի մոտ դոֆամին արտադրող բջիջների պակասը: Դա թույլ է տալիս հաղթահարել հիվանդության ախտանիշները: Սակայն ժամանակի ընթացքում «Լեւոպոդի» արդյունավետությունը նվազում է, եւ պացիենտներին անհրաժեշտ են դառնում ավելի բարձր չափաբաժիններ:
Խնդիրն այն է, որ մարմինը սկսում է քայքայել դեղամիջոցը նախքան այն կհայտնվի գլխուղեղում: Այդ խնդիրը լուծելու համար հետազոտողները ստեղծել են սփրեյ «Լեւոդոպով»: Հասնելով քթի խոռոչ՝ դեղամիջոցի հեղուկ ձեւը վերածվում է գելի:
Այդ նոր մեթոդը փորձարկվել է կենդանական մոդելների վրա: Գելն ապահովել է քթի ներսում դեղամիջոցի լավագույն ագդեզիան, ինչը երաշխավորել է գլխուղեղում դրա հայտնվելը: