5 առասպել առողջ սննդի մասին
10:48 24 հուլիսի, 2021Առողջ սննդի մասին այսօր շատ առասպելներ կան, եւ բժիշկ-սննդաբան Ալբինա Կոմիսարովան (Ռուսաստան) հերքել է դրանցից մի քանիսը:
Նախաճաշը բաց թողնելը
Մասնագետի խոսքով՝ այս պահին սննդաբանները չունեն տվյալներ, որոնք միանշանակ հաստատում կամ հերքում են առավոտյան սննդի ընդունումից հրաժարվելու վնասը: Հետեւաբար, ցանկության դեպքում նախաճաշը կարելի է բաց թողնել, հատկապես, եթե մարդը սովոր չէ առավոտյան ուտել:
Ածխաջրերը գիշերը
Գիշերը կերած ածխաջրերի վնասը նույնպես առասպել է՝ ըստ սննդաբանի, սնունդը յուրացվում է անկախ օրվա ժամից, միայն օրվա ընթացքում կերած ածխաջրերի քանակը նշանակություն ունի:
Օրական 2 լիտր ջուր
Կոմիսարովան խորհուրդ է տալիս ինքներդ ձեզ չստիպել օրական երկու լիտր ջուր խմել:
«Ջրի օգտագործման նորմեր չկան: Գոյություն ունեն հեղուկների ընդունման նորմեր, դա եւ ջուրն է, եւ բոլոր ոչ ալկոհոլային, նախընտրելի է ոչ քաղցր ըմպելիքները: Ինչպես նաեւ սնունդը»,- գրել է նա Instagram-ի իր էջում:
Օրվա ընթացքում սննդի ընդունման քանակը
Օրվա ընթացքում սննդի ընդունման քանակը իրականում չի ազդում նիհարելու վրա, կարծում է սննդաբանը: Կարելի է օրական 3 անգամ ուտել, կարելի է նաեւ՝ 5 անգամ, բայց կարեւոր է վերահսկել չափաբաժնի ծավալը եւ չափից շատ չուտել:
Բիոակտիվ հավելումներ
Մասնագետի խոսքով, քաշը հնարավոր է կորցնել առանց հատուկ ծեսերի, ինչպիսիք են առավոտյան կիտրոնով մի բաժակ ջուրը եւ մարզումներից առաջ ու հետո բիոակտիվ հավելումները: Բավական է ճիշտ սնվել ու ֆիզիկապես ակտիվ լինել: