Առավոտյան ո՞ր սովորություններն են մոտեցնում մահը

Առավոտյան որոշ սովորություններ շատ վնասակար են առողջության համար եւ կարող են նպաստել լուրջ հիվանդությունների զարգացմանն ու մոտեցնել մահը: Այս մասին գրում է «MK»ն

Նախաճաշից հրաժարվելը, շատ մասնագետների կարծիքով, վնասակար է առողջության համար: Եթե մարդը չի նախաճաշում, դա 87%-ով մեծացնում է սրտանոթային հիվանդություններից մահվան հավանականությունը: Բացի այդ, նախաճաշի բացակայությունն ազդում է մարդու քաշի վրա: Մարդիկ, ովքեր առավոտյան լավ են սնվել, օրվա ընթացքում գրեթե երկու անգամ ավելի շատ կալորիա են այրում:

Ուտելուց առաջ սուրճ խմելը եւս մեկ վտանգավոր սովորություն է, որը կարող է լուրջ վնաս հասցնել օրգանիզմին: Ինչպես պարզել են մասնագետները, դատարկ ստամոքսին խմած սեւ սուրճը կարող է ազդել արյան մեջ գլյուկոզայի մակարդակի վրա: Նախաճաշից առաջ խորհուրդ է տրվում մեկ բաժակ գոլ ջուր խմել, իսկ սուրճ կարելի է խմել միայն ուտելուց հետո:

Գիտնականները պնդում են, որ նախաճաշին մեկ բաժակ հյութը, ինչպես ցանկացած այլ քաղցր ըմպելիք, 16%-ով մեծացնում է շաքարային դիաբետի առաջացման վտանգը: Այս ըմպելիքն ավելի լավ է փոխարինել բջջանյութի բարձր պարունակությամբ թարմ մրգերով: Պետք է նաեւ հաշվի առնել, որ երկարատեւ հագեցման համար անհրաժեշտ է սնվել սպիտակուցներով եւ ճիշտ ճարպերով հարուստ մթերքներով:

Բացի այդ, ըստ մասնագետների, օրական մեկ կտոր բեկոնը կարող է 20%-ով մեծացնել աղիքային քաղցկեղի հավանականությունը: Այս մթերքի ընդամենը 25 գրամը կարող է հանգեցնել հաստ աղիքում ուռուցքի առաջացման: