Ինչպես են ուլտրաձայնը եւ լազերը օգնում բուժել ճարպակալումը
17:46 26 օգոստոսի, 2021Բրազիլիայի Մինաս Ժերայսի համալսարանի գիտնականները պարզել են, որ ուլտրաձայնի եւ լազերի ներգործությունը կարող է օգնել բուժել ճարպակալումը:
Միջընդերքը մարսողական համակարգի օրգան է, որը վերջերս է հայտնաբերվել գիտնականների կողմից: Այն կարող է կարեւոր դեր խաղալ որոշ հիվանդությունների պաթոֆիզիոլոգիայում:
Հետազոտության մեջ, որը հրապարակվել է Journal of Biophotonics-ում, գիտնականները օգտագործել են հիպերգլիկեմիա եւ ճարպակալում ունեցող առնետների: 25 արու առնետները բաժանվել են հինգ խմբերի.
- վերահսկողական (առողջ),
- ճարպակալում եւ հիպերգլիկեմիա ունեցող, որոնք պլացեբո են ստանում,
- ճարպակալում եւ հիպերգլիկեմիա ունեցող, որոնք ուլտրաձայնային բուժում են ստանում,
- ճարպակալում եւ հիպերգլիկեմիա ունեցող, որոնք լազերային բուժում են ստանում,
- եւ ճարպակալում եւ հիպերգլիկեմիա ունեցող, որոնք բուժվում են երկու մեթոդների համալիրով:
Գիտնականները չափել են մարմնի քաշը եւ արյան կենսաքիմիան եւ, պլացեբո ստացող առնետների համեմատ, բուժում ստացող առնետների մոտ հայտնաբերել են ԱլԱՏ եւ ԱսԱՏ ֆերմենտների զգալի կրճատում: Ընդհանուր խոլեստերինի, տրիգլիցերիդների եւ շատ ցածր խտության լիպոպրոտեինների մակարդակները ցույց են տվել ավելի ցածր արժեքներ, քան բարդ միջամտության խմբի դեպքում: Պլացեբո ստացող խմբի համեմատ՝ կրճատվել է նաեւ սրտանոթային հիվանդությունների ռիսկը, ինչի մասին վկայում է բուժման խմբերում Կաստելիի ինդեքսը: