Ջերմային հյուծում. ի՞նչ անել

Ջերմային հյուծումը մի շարք տհաճ ախտանիշներ ունի, որոնք կարող են առաջանալ ջերմության եւ օրգանիզմի` մարմնի ջերմաստիճանն իջեցնելու մեխանիզմների խափանման պատճառով:

Ջերմային հյուծման վտանգը մեծանում է այն երեխաների մոտ, ովքեր ավելորդ քաշ ունեն, արեւայրուք են ստացել կամ անառողջ են տվյալ պահին: Բացի այդ, այդ ռիսկը մեծանում է ՝ միզամուղ դեղամիջոցների, ուշադրության պակասի խանգարման, ալերգիայի եւ միգրենի բուժման դեղամիջոցների, ինչպես նաեւ հակադեպրեսանտների ընդունման դեպքում:

Ջերմային հյուծման ախտանիշներն են.

• Մարմնի ջերմաստիճանի բարձրացում
• Սառը եւ կպչուն մաշկ
• «Սագի կաշի»
• Ուշաթափություն եւ գլխապտույտ
• Թուլություն
• Գլխացավ
• Ուժեղ քրտնարտադրություն
• Ուժեղ ծարավ
• Գրգռվածություն, ագրեսիա
• Տեղային մկանային սպազմեր
• Սրտխառնոց եւ/կամ փսխում

Նորածինների մոտ ջերմային հյուծումը բնութագրվում է հետեւյալ ախտանիշներով.

• Լաց, դյուրագրգռություն
• Արագացած շնչառություն
• Ավելորդ քնկոտություն, անքնություն, արթնանալու անկարողություն
• Փսխում:

Ի՞նչ անել, եթե երեխան կամ մեծահասակը ջերմային հյուծում ունեն: Եթե ​​նկատել եք այս նշաններից մեկը կամ մի քանիսը, տուժածին տարեք զով, ստվերած տարածք: Այնուհետեւ խորհուրդ է տրվում նրա հագուստը թրջել սառը ջրով կամ պատել նրան խոնավ սառը սրբիչով:

Եթե ​​տուժածը երեխա է եւ վերջույթների կամ որովայնի ցավոտ ջղաձգումներ է ունենում, ցանկալի է նրբորեն մերսել եւ ձգել մկանները:

Ջերմային հյուծման դեպքում նաեւ աղ պարունակող զովացնող ըմպելիքներ են խորհուրդ տրվում: Դրանք կարող են լինել, օրինակ, սպորտային ըմպելիքներ կամ գաստրոէնտերիտի դեպքում նշանակվող ըմպելիքներ: