Ե՞րբ է գլխացավը վկայում մահացու վտանգավոր վիճակի մասին
19:05 30 օգոստոսի, 2021Փոքր իշեմիկ ինսուլտը որոշ դեպքերում կարող է քողարկվել գլխացավով: Այդ կարծիքն է հայտնել բժիշկ օնկոլոգ Եկատերինա Կոբյակովան (Ռուսաստան):
Նրա խոսքով՝ այդ դեպքում ցավային զգացողությունների հստակ տեղը դժվար է պարզել:
«Կարող է ի հայտ գալ մկանային թուլություն, ցանկացած շարժումը կարող է դժվարությամբ կատարվել: Ի հայտ է գալիս ապատիա եւ գլխապտույտ, որոնք զգացվում են անգամ հանգստի վիճակում, իսկ շարժման ժամանակ՝ ուժգնանում: Որպես կանոն՝ զարկերակային ճնշումը բարձրանում է: Կարող են առաջանալ աղմուկ ականջներում եւ հիշողության խանգարումներ»,-նշել է Կոբյակովան ԱիՖ հարթակի թղթակցի հետ զրույցում:
Նրա խոսքով՝ գլխացավերը նաեւ կարող են լինել գլխուղեղի բարորակ եւ չարորակ ուռուցքների նշան: Սովորաբար այդպիսի հիվանդություններին հատուկ են առավոտյան ժամերին գլխացավերը:
Կոբյակովան հավելել է, որ մտահոգիչ ախտանշանների առաջացման, մասնավորապես, խոսքի, լսողության, հոտի ու համի հետ կապված խնդիրների, կորդինացիայի խախտման, սրտխառնոցի եւ փսխումների դեպքում անհրաժեշտ է բժշկի դիմել: