ԱՄՆ-ում կորոնավիրուսից մահացածների թիվը գերազանցել է 1918 թվականին «իսպանական գրիպից» մահացածների թիվը
15:21 22 սեպտեմբերի, 2021ԱՄՆ-ում կորոնավիրուսից մահացածների թիվը գերազանցել է 1918 թվականին «իսպանական գրիպից» մահացածների թիվը։ Այս մասին վկայում են Ջոն Հոփքինսի համալսարանի միջազգային թրեքերի տվյալները:
Medportal.ru-ի փոխանցմամբ՝ փորձագետների կարծիքով՝ իսպանական գրիպի համաճարակի երկու տարիների ընթացքում մահացել է մոտ 675 000 ամերիկացի: Այսպիսով, Միացյալ Նահանգներում COVID-19-ից օրական միջինը 1900 մարդ է մահանում: Սա մեծ մտահոգություն է առաջացնում համաճարակաբանների համար, քանի որ վերջին հարյուր տարիների ընթացքում բժշկության հնարավորությունները շատ ավելի մեծ են դարձել. իսպանական գրիպի համաճարակի ընթացքում չկային ժամանակակից կլինիկաներ թթվածնային ապահովմամբ, ԹԱՕ սարքերով եւ դեղամիջոցներով, եւ չկար զանգվածային պատվաստում։