Կա՞ արդյոք կապ կոֆեինի օգտագործման եւ D վիտամինի պակասի միջեւ
16:32 27 սեպտեմբերի, 2021Կոֆեինի օգտագործումը կարող է ազդել մարդու օրգանիզմի՝ D վիտամինը յուրացնելու կարողության վրա։ Այս մասին նախազգուշացնում է գիտնականների միջազգային խումբը, գրում է Eat this! Not That! պորտալը։
Նոր հետազոտության հիմքում ընկած են ամերիկյան National Health and Nutrition Examination Survey ծրագրի սոցիալական հետազոտության 30-47 տարեկան 13 000 մասնակցի տվյալները։ Ուսումնասիրելով նրանց տվյալները՝ Չինաստանի եւ Բրազիլիայի մասնագետները եկան այն եզրակացության, որ որքան ավելի շատ են մարդիկ կոֆեին օգտագործում, այնքան ավելի բարձր է D վիտամինի պակասի ռիսկը։
Ընդ որում՝ հայտնի չէ, թե ինչպես է կոֆեինն ազդում տարեց մարդկանց D վիտամինի մակարդակի վրա։