Ո՞ր ախտանշանները կարող են վկայել օրգանիզմում աղի անբավարարության մասին
22:50 13 հոկտեմբերի, 2021Ո՞ր նշանները կարող են վկայել այն մասին, որ մարդու օրգանիզմում աղը բավարար չէ: Այս մասին իր կարծիքն է հայտնել գաստրոէնտերոլոգ եւ սննդաբան Նատալյա Ստուկովան (Ռուսաստան):
Նրա խոսքով՝ աղն անհրաժեշտ է օրգանիզմին, քանի որ այն մասնակցում է բջջային մակարդակում նյութափոխանակության գործընթացներին: Աղի մեջ հայտնաբերված հանքանյութերն ապահովում են էլեկտրոլիտների հավասարակշռությունը, որոնք նատրիում են ներառում: Իսկ սննդակարգում աղի բացակայությունը կարող է ֆիզիկական հիվանդության եւ նույնիսկ որոշ առողջական խնդիրների հանգեցնել:
«Օրգանիզմում աղի բացակայության նշաններ կարող են լինել գլխացավը, գլխապտույտը, թուլությունը, սրտխառնոցը, սրտի անբավարարությունը, անկայուն հեմոդինամիկան»,- ասել է մասնագետը «Վեչերնյայա Մոսկվա»-յի հետ զրույցում:
Մասնագետը հիշեցրել է Առողջապահության համաշխարհային կազմակերպության (ԱՀԿ) առաջարկությունը, որը մեծահասակներին օրական 2 գրամից ոչ ավել նատրիումի սպառում է խորհուրդ տալիս, ինչը հավասար է 5 գրամ սեղանի աղին: