Գիտնականները նոր դեղամիջոց են մշակել մահացու վտանգավոր բակտերիաների դեմ

Հակաբիոտիկների արդյունավետությունը վտանգավոր եւ բուժման նկատմամբ կայուն բակտերիաների դեմ կարելի է բարձրացնել՝ օգտագործելով քիմիաթրակտանտներ՝ մոլեկուլներ, որոնք գրավում են իմունային բջիջները՝ պայքարելու վարակի դեմ: Նման եզրակացության են եկել Մոնաշի համալսարանի (Ավստրալիա) եւ Հարվարդի համալսարանի (ԱՄՆ) գիտնականները։ Նրանց նոր հետազոտության արդյունքները  հրապարակվել են Nature Communications ամսագրում։

Վերոհիշյալ գիտնականները մշակել են նոր իմունոթերապեւտիկ դեղամիջոց՝ ոսկեգույն ստաֆիլոկոկի դեմ պայքարելու համար։ MRSA ոսկեգույն ստաֆիլոկոկները (Staphylococcus aureus) այսօր հատուկ սպառնալիք են ամբողջ աշխարհում: Արյան հոսքի վարակների մեջ MRSA-ն կազմում է 37% եւ հաճախ հանգեցնում է մահվան:  

Գիտնականները քեմոատրակտանտ ֆորմիլպեպտիդը (fPeps) կապել են վանկոմիցինի հակաբիոտիկի հետ, ինչի արդյունքում ստացվել է ստաֆիլոկոկային վարակների բուժման իմունոթերապեւտիկ դեղամիջոց: Վանկոմիցինը կպչում է բակտերիաների պատին, եւ fPeps-ը ստեղծում է գրադիենտ քեմոատրակտանտ, որը շրջապատում է S. aureus բջիջները:

Այսպիսով, ավելի շատ նեյտրոֆիլներ են ներգրավվել բակտերիաների կողմից, ինչը մեծացրել է ֆագոցիտոզը՝ իմունային բջջի կողմից միկրոբի կլանումը: Գիտնականները փորձարկել են քեմոատրակտանտ հակաբիոտիկները MRSA-ի հարուցած թոքաբորբի մկան մոդելի վրա: Վարակվելուց մեկ ժամ անց կրծողներին դեղամիջոց են ներարկել յուրաքանչյուրի համար 0,2 միլիգրամ չափաբաժնով, ինչը 5 անգամ պակաս է մարդկանց համար վանկոմիցինի համարժեք չափաբաժնից: Արդյունքում գիտնականները նկատել են թոքերի բակտերիալ բեռի կրկնակի նվազում՝ համեմատած մկների հետ, որոնց հակաբիոտիկ են ներարկել առանց քեմոատրակտանտի։ Դեղը թույլ չի տվել, որ բորբոքումը տարածվի բրոնխների եւ բրոնխիոլ լուսանցքի վրա։