Խորը երակային թրոմբոզ. 6 վաղ նշաններ
16:14 27 նոյեմբերի, 2021Խորը երակային թրոմբոզը խիստ վտանգավոր է կյանքի համար: Խնդիրը սովորաբար առաջանում է ոտքերում, սակայն թրոմբը կարող է առաջանալ նաեւ մարմնի այլ մասերում։
Ո՞ր նշանները կարող են ցույց տալ, որ անհրաժեշտ է շտապ դիմել բժշկի:
Մեծ Բրիտանիայի Առողջապահության ազգային ծառայության մասնագետները պնդում են, որ եթե թրոմբը մեծ մասամբ կամ ամբողջությամբ փակում է երակը, ոտքերի հատվածում կարող են ի հայտ գալ հետեւյալ ախտանիշները.
- մեկ ոտքի բաբախող կամ ջղաձգվող ցավ (հազվադեպ՝ երկու ոտքերում), սովորաբար սրունքի կամ ազդրի հատվածում,
- մեկ ոտքի այտուց (հազվադեպ՝ երկու ոտքի),
- ցավոտ հատվածի շուրջ տաք մաշկ,
- ցավոտ հատվածի շուրջ կարմիր կամ մուգ մաշկ,
- ուռած երակներ, որոնց դիպչելը ցավոտ է,
- ցավ եւ զգայունություն, սովորաբար սրունքի կամ ազդրի ներքին հատվածում:
Եթե բախվել եք նշված ախտանիշներից մեկի կամ մի քանիսի հետ, խորհուրդ է տրվում շտապ դիմել բժշկի: