Կորոնավիրուսի oմիկրոն շտամի ոչ տիպիկ ախտանշանները
09:27 29 նոյեմբերի, 2021Կորոնավիրուսի նոր տարբերակով, որը կոչվում է օմիկրոն շտամ, վարակվելիս հոտառությունն ու համը սովորաբար չեն անհետանում։ Հիվանդները սովորաբար ունենում են միայն ջերմություն եւ հոգնածություն: Այս մասին հայտնում են Հարավային Աֆրիկայի բուժաշխատողները։
Ըստ SM-News-ի՝ վիրուսի նոր շտամով վարակված հիվանդների մեծ մասի մոտ նաեւ երակազարկն է հաճախակիանում։ Հետաքրքիր է նաեւ, որ օմիկրոնի շտամը հիմնականում տարածվում է երիտասարդների շրջանում։ Ըստ Հարավային Աֆրիկայի բժիշկների՝ հիվանդանոցներ են ընդունվում 20-30 տարեկան մարդիկ, նրանց 65 տոկոսը չի պատվաստված չէ:
Նշենք, որ նոյեմբերի 11-ին Հարավային Աֆրիկայում հայտնաբերվել է կորոնավիրուսի նոր՝ B.1.1.529 շտամը։ Վարակման առաջին հաստատված դեպքերը գրանցվել են նոյեմբերի 24-ին։ Շտամը կոչվել է հունական «օմիկրոն» տառով, իսկ Առողջապահության համաշխարհային կազմակերպության մակարդակով արդեն հասցրել են ճանաչել դրա վտանգը։