Ինչու՞ են AstraZeneca-ով պատվաստումից հետո թրոմբներ առաջանում
13:11 3 դեկտեմբերի, 2021ԱՄՆ-ից եւ Մեծ Բրիտանիայից գիտնականների խումբը բացահայտել է թրոմբոզի հավանական պատճառը, որը որոշ դեպքերում հայտնաբերվել է AstraZeneca ընկերության դեղամիջոցով կորոնավիրուսի դեմ պատվաստումից հետո։ Այս մասին ասվում է Science Advances գիտական ամսագրում հրապարակված հետազոտության մեջ։
Հետազոտությունը ցույց է տվել, որ արյան թրոմբների վրա կարող է ազդել այն, թե ինչպես է ադենովիրուսը, որն օգտագործվում է AstraZeneca պատվաստանյութում՝ վարակի գենետիկ նյութը բջիջներ տեղափոխելու համար, կապվում արյան սպեցիֆիկ սպիտակուցի հետ, որը հայտնի է որպես թրոմբոցիտների գործոն 4 (PF4): Գիտնականների կարծիքով՝ կապակցման գործընթացը իմունային համակարգում շղթայական ռեակցիա է առաջացնում, ինչը թրոմբների առաջացման է հանգեցնում։
Հետազոտության հեղինակների կարծիքով՝ պատվաստումից հետո թրոմբոզն ի հայտ է գալիս չափազանց հազվադեպ դեպքերում, քանի որ դրանց առաջացման համար պետք է բարդ իրադարձությունների մի ամբողջ շղթա առաջանա։