Անվանվել են մազերի խնամքի հիմնական աններելի սխալները 35 տարեկանից հետո
17:43 3 մայիսի, 2022Տարիքի հետ փոխվում են ոչ միայն դեմքի մաշկի, այլեւ գլխամաշկի խնամքի պահանջները։
Մասնագետները կարծում են, որ 35 տարեկանից հետո անհրաժեշտ է վերանայել մազերի խնամքը, քանի որ որոշ սխալներ կարող են տխուր հետեւանքների հանգեցնել։ Աններելի սխալների մասին՝ «Газеты.Ru»-ի նյութում։
Գլխամաշկի խնամքը սկսվում է մաքրումից։ Շատ փորձագետներ կարծում են, որ պետք է ունենալ երկու շամպուն. մեկը ընտրվում է ըստ գլխամաշկի տեսակի, իսկ երկրորդը օգտագործվում է գլխամաշկի եւ մազերի ավելի խորը մաքրման համար։
«Հաճախ խորը մաքրող միջոցների բաղադրության մեջ մտնում են «կոշտ» մակերեւութաակտիվ նյութեր կամ պարաբեններ։ Կարեւոր է հասկանալ, որ նման շամպունների օգտագործումը կարող է հանգեցնել մաշկային պատնեշի խախտման։ Իսկ դա իր հերթին պոտենցիալ սպառնում է չորությամբ, գլխամաշկի շերտավորմամբ»,-զգուշացրել է Institute կլինիկայի բժիշկ-կոսմետոլոգ, տրիխոլոգ Հասմիկ Քթոյանը։
Խորը մաքրման համար տրիխոլոգը խորհուրդ է տալիս գլխամաշկի համար պիլինգներ օգտագործել։ Կախված գլխամաշկի տեսակից եւ արտադրանքի բաղադրությունից՝ պիլինգը խորհուրդ է տրվում կիրառել ամսական մեկից չորս անգամ, բայց ոչ մազերի ներկումից հետո առաջին երկու շաբաթվա ընթացքում։
Տաք ջուրն ակտիվացնում է ճարպագեղձերը։ Արդյունքում մազերն ավելի արագ կկեղտոտվեն, իսկ մազերի կառուցվածքը կփոխվի։
«Մազերը լվանալ տաք ջրով, իսկ վերջում ցանկալի է մազերի երկարությունը ողողել սառը ջրով»,-խորհուրդ է տվել տրիխոլոգ Քթոյանը։
Իր հերթին, ոճաբան Եվգենի Տրեֆիլովն ասել է, որ շատ դեպքերում բյուջետային ներկն իր բաղադրության մեջ ունի ագրեսիվ բաղադրիչներ։ Բացի այդ, տնային ներկման դեպքում գրեթե միշտ նույն սխալն է արվում, երբ մարդիկ ինքնուրույն ներկում են արմատները։