Ո՞ր պարզ հնարքը կօգնի նվազեցնել սրտանոթային հիվանդությունների առաջացման ռիսկը։
Տուրկուի համալսարանի եւ Ֆինլանդիայի UKK ինստիտուտի վերջերս կատարած հետազոտությունը ցույց է տվել, որ այս հիվանդությունների զարգացման ռիսկը կարող է կրճատվել ընդամենը երեք ամսում, եթե պարզապես ամեն օր նստելու ժամանակը կրճատեք 60 րոպեով եւ հատկացնեք այդ ժամանակ ֆիզիկական ակտիվության համար։
Խորհուրդ է տրվում օրվա ընթացքում քայլել 150 րոպե՝ մկանների ամրապնդման համար։
Ցավոք, ԱՄՆ-ում երեխաների եւ մեծահասակների մոտ 80 տոկոսն ավելի քիչ է ֆիզիկական ակտիվությամբ զբաղվում, քան առաջարկվում է։
Հետազոտության շրջանակում գիտնականները նկատել են, որ աշխատունակ տարիքի մեծահասակները, որոնք ֆիզիկապես ոչ ակտիվ էին, սրտանոթային հիվանդությունների եւ 2-րդ տիպի շաքարախտի զարգացման մեծ հավանականություն են ունեցել։
Հետազոտողները եկել են այն եզրակացության, որ նստած ժամանակի կրճատումը կարող է դանդաղեցնել սրտանոթային հիվանդությունների զարգացումը, բայց, իհարկե, ավելի մեծ ազդեցություն կարելի է ստանալ, եթե ավելացվի ֆիզիկական ակտիվության ծավալը կամ ինտենսիվությունը։