Ում համար է վտանգավոր շաքարից հրաժարվելը
17:45 19 մայիսի, 2022Սպորտով ակտիվորեն զբաղվող մարդկանց համար շաքարից հրաժարվելը վտանգավոր է, «Մոսկվա 24»-ին ասել է սննդաբան, դիետոլոգ Եվգենի Արզամասցեւը։
Մարզիկներն ունեն բարձր նյութափոխանակություն եւ էներգիայի պահանջներ, ուստի նրանց համար կարեւոր է բավարար քանակությամբ շաքար ստանալը: Դրանից հրաժարվելու դեպքում կարող են խնդիրներ առաջանալ, նշել է մասնագետը։
«Իրականում շաքարը արագ ածխաջուր է: Էներգիայի ամենապարզ աղբյուրները հեռացնելու դեպքում մեծ է ռիսկը, որ մարդը, այսպես կոչված, բջջային սով կզգա։ Նյութափոխանակությունը կդանդաղի, իսկ գլիկոլիզի գործընթացները կնվազեն»,- զգուշացնում է սննդաբանը։
Մասնագետի խոսքով՝ մարդը էներգիա կստանա այլ տարրերից, եւ վտանգ կա, որ նա սպիտակուցներ կկորցնի։ Այսինքն՝ այս դեպքում նա կկորցնի մկանային հյուսվածքը։
Մյուս մարդկանց համար շաքարից հրաժարվելը վնասակար չէ, այլ նույնիսկ օգտակար, կարծում է Արզամասցեւը։ «Կարելի է հրաժարվել շաքարից, ոչ մի սարսափելի բան չի լինի: Կան պարզ եւ բարդ ածխաջրեր: Բարդ ածխաջրերի առկայության դեպքում պարզ ածխաջրերից հրաժարվելը սովորական մարդուն չի վնասի»,- ընդգծել է մասնագետը։