ԱՄՆ-ում աղջիկների սեռական հասունացման փուլը սկսվում է 6-10 տարեկանում. հետազոտություն
13:46 22 մայիսի, 2022Ամերիկայում աղջիկների մոտ սեռական հասունացումն ավելի շուտ է տեղի ունենում, քան ակնկալում են կենսաբանները. միջին տարիքը նվազել է հասնելով 10 տարեկանի, իսկ սեւամորթ աղջիկների մոտ այդ ընթացքը տեղի է ունենում միջինում մեկ տարի ավելի շուտ, քան մյուս հասակակակիցների մոտ, նախազգուշացնում են փորձագետները:
Առաջին անգամ այս երեւույթը նկատել է Հյուսիսային Կարոլինայի համալսարանի՝ առողջապահության հարցերով փորձագետ, բժիշկ Մարսիա Հերման-Գիդենսը, երբ սկսել է ավելի քան 17 000 աղջիկների տվյալներ հավաքել 1990-ականների կեսերին:
Նա հայտնաբերել է, որ սեռական հասունացման միջին տարիքը նվազել է՝ հասնելով 10 տարեկանի, իսկ որոշ աղջիկների մոտ այն սկսվել է արդեն 6 տարեկանում, գրում է Daily Mail-ը:
Թեեւ կատարվողը բացատրելու հստակ պատճառներ չկան, փորձագետները հայտարարել են, որ իրենց կարծիքով՝ դա պայմանավորված է ճարպակալման աճող մակարդակով, պլաստիկե իրերում օգտագործվող քիմիական նյութերի տարածվածությամբ եւ սթրեսով, որոնք երեխաներն ապրում են առօրյայում:
Փորձագետները զգուշացնում են նաեւ, որ վաղ սեռսական հասունացում ունեցող աղջիկների մոտ մեծանում է տարբեր տեսակի քաղցկեղի զարգացման վտանգը, ինչը պայմանավորված է տարբեր հոգեկան խանգարումներով:
Նշվում է, որ հատկապես արագ են հասունանում սեւամորթ աղջիկները, որոնց միջին տարիքը հասունացման փուլում կազմում է 9 տարեկան: