Մարդկանց որ խմբին են մոծակներն ավելի հաճախ խայթում
23:26 19 հունիսի, 2022Թերապեւտ, իմունոլոգ եւ ալերգոլոգ Իրինա Յարցեւան խոսել է այն մասին, թե մարդկանց որ խմբին են մոծակներն ավելի հաճախ խայթում, հայտնում է Sputnik ռադիոն:
Մասնագետը նշել է, որ մարդու արյան խմբի եւ մաշկի գույնի հետ կապված նախասիրություններ միջատները չունեն: Այնուամենայնիվ, մոծակները ջերմային պատկերի անալոգ ունեն եւ արձագանքում են արյան անոթների եւ արյան ջերմությանը:
«Միգուցե խորը անոթներ կամ ենթամաշկային ճարպային հյուսվածքի հաստ շերտ ունեցող մարդկանց մոծակներն ավելի քիչ խայթեն, իսկ բարակ մաշկ ունեցողներին՝ ավելի հաճախ»,- ասել է Յարցեւան։
Ավելի վաղ կենսաբանական գիտությունների դոկտոր, պրոֆեսոր Լյուդմիլա Կոմարովան անդրադարձել էր մոծակներին վանող հոտերին եւ նշել, որ դրանցից է վանիլի հոտը: