Գիտնականները ռոբոտ ձեռքեր են մշակել մասամբ անդամալույծ մարդկանց համար

Գիտնականների նոր մշակման շնորհիվ մոտ 90 վայրկյանում մարմնի վերին հատվածում շատ սահմանափակ շարժունակությամբ տղամարդը, ով մոտ 30 տարի չի կարողանում օգտագործել իր մատները, կերակրել է իրեն աղանդերով՝ օգտագործելով միտքն ու ռոբոտացված ձեռքերը, գրում է. Medical Xpress-ը:

Ջոնս Հոփկինսի կիրառական ֆիզիկայի լաբորատորիայի եւ Ջոն Հոփքինսի բժշկական դպրոցի ֆիզիկական բժշկության եւ վերականգնողական բաժանմունքի հետազոտողների կողմից ղեկավարված խումբն աշխատություն է հրապարակել Frontiers in Neurorobotics-ում, որում նկարագրվել է այդ վերջին սխրանքը նեյրոհամակարգչային ինտերֆեյսի («ուղեղ-համակարգիչ» ինտերֆեյսի) եւ վերջույթների մի զույգ մոդուլային պրոթեզների կիրառմամբ:

Այս համակարգն ուղիղ կապ է ապահովում ուղեղի եւ համակարգչի միջեւ, որը վերծանում է նեյրոնային ազդանշանները եւ «թարգմանում» դրանք՝ տարբեր արտաքին գործառույթներ կատարելով՝ էկրանի վրա կուրսորը շարժելուց մինչեւ ինքնուրույն սնվելը: Այս կոնկրետ փորձի ժամանակ ուղեղի մկանների շարժման ազդանշաններն օգնում էին կառավարել ռոբոտացված պրոթեզները:

Ռոբոտատեխնիկայում ամենակարեւոր առաջընթացներից մեկը, որը ցուցադրվել է հոդվածում, ռոբոտի ինքնավարության համադրությունն է՝ մարդու սահմանափակ մասնակցությամբ, երբ մեքենան կատարում է աշխատանքի մեծ մասը՝ թույլ տալով օգտվողին հարմարեցնել ռոբոտի վարքագիծն իր ցանկությամբ, նշել է հոդվածի առաջին հեղինակ Դեւիդ Հանդելմանը: