Ինչու՞ պետք է ամեն օր լոբի ուտել
15:27 31 հուլիսի, 2022Էնդոկրինոլոգ-դիետոլոգ Ալբինա Կոմիսսարովան խոսել է ամբողջ օրգանիզմի առողջության համար հատիկեղենների եւ ընդեղենների օգտակարության մասին, գրում է MedikForum-ը՝ անդրադառնալով սննդակարգում լոբիների առկայությանը:
Լոբիների պարագայում ցուցակը մեծ է: Բացի ծանոթ լոբիներից՝ սոյայի հատիկները, մունգը, ոսպը, ոլոռը եւ սիսեռը, ինչպես նաեւ գետնանուշը պատկանում է ընդեղենների դասին։
«Որո՞նք են հատիկեղենի եւ ընդեղենի օգուտները. Սրանք հարուստ են բուսական ծագման սպիտակուցներով, իսկ օրգանիզմի ստացված ամբողջ սպիտակուցի կեսը պետք է լինի բուսական ծագման: Բանջարեղենը պարունակում է մեծ քանակությամբ բջջանյութ, ինչը նշանակում է, որ դրանք հագեցվածության զգացում են առաջացնում, նվազեցնում քաղցկեղի եւ սրտանոթային հիվանդությունների զարգացման ռիսկը»,- ասել է մասնագետը։
Ճաշացանկին լոբազգիներ ավելացնելով՝ հնարավոր է զգալիորեն դիվերսիֆիկացնել ամենօրյա սննդակարգը: Դրանք պարունակում են փոքր քանակությամբ ճարպ, ինչը նշանակում է, որ քաշի ավելացում չի լինի։
Կանխատեսելով հատիկաընդեղեն ուտելուց հետո փքվածության առաջացման հարցը՝ մասնագետը խորհուրդ է տալիս ուտելուց առաջ թրջել դրանք։ Եթե դա չի օգնում, ապա եռացնելուց հետո առաջին ջուրը պետք է քամել։
Լոբազգիների կանոնավոր օգտագործումը կօգնի լուծել մարսողական խնդիրների մեծ մասը։ Եթե սնվելուց հետո ծանրություն եք զգում, ապա պետք է սկսել ոսպից եւ սիսեռից։ Իրենց բարակ մաշկի պատճառով դրանք ավելի հեշտ մարսվող են համարվում։