Գիտնականները սեռային տարբերություններ են հայտնաբերել երիկամների ֆունկցիայի տարիքային կորստի մեջ

Չնայած նրան, որ ավելի շատ կանայք, քան տղամարդիկ են տառապում երիկամների քրոնիկ հիվանդությամբ, տղամարդկանց մոտ երիկամային անբավարարության զարգացման հավանականությունն ավելի մեծ է: Ամերիկյան նեֆրոլոգիայի ընկերության ամսագրում հրապարակված հետազոտության մեջ գիտնականները պարզել են, որ միջին տարիքի կանայք երիկամների ավելի ցածր ֆունկցիա ունեն, քան տղամարդիկ: Միեւնույն ժամանակ, ծերացման հետ մեկտեղ երիկամների ֆունկցիայի նվազման տեմպերն ավելի կտրուկ է  տղամարդկանց մոտ: 

Մարդկանց մեծամասնությունը տարիքի հետ կորցնում է երիկամների ֆունկցիայի մի մասը, եւ քանի որ աշխարհի բնակչությունը ծերանում է, ավելի շատ մարդիկ զարգացնում են երիկամների քրոնիկ հիվանդությունը: Ըստ Global Burden of Disease հետազոտության՝ մինչեւ 2040 թվականը երիկամների քրոնիկ հիվանդությունը կդառնա կյանքի տարիների կորստի հինգերորդ հիմնական պատճառը:

Հետազոտությունը ցույց է տվել, որ 2007-2009 թվականներին կանայք երիկամների ավելի ցածր ֆունկցիա են ունեցել, քան տղամարդիկ։ Այնուհետեւ կանանց մոտ երիկամների ֆունկցիան գծային անկում է ապրել, իսկ ավելի մեծ տարիքում տղամարդկանց մոտ՝ ավելի արագ:  

«Այս հետազոտությունն առաջինն է, որը կրկնում է երիկամների ֆունկցիայի ճշգրիտ չափումները: Դրանով մենք կարեւոր գիտելիքներ ենք տալիս տարիքի հետ կապված երիկամների ֆունկցիայի կորստի եւ երիկամների քրոնիկ հիվանդության տարածվածության մեջ սեռային տարբերությունների մասին»,-ասել է բժիշկ Մելսոմը: