Սեպտեմբերի 19-23-ը իսպանացի բժիշկները բարեգործական վիրահատություններ կկատարեն Արցախում
16:59 27 օգոստոսի, 2022Արցախի հանրապետության առողջապահության նախարարության աջակցությամբ, «Վիրաբույժները գործում են» հիմնադրամի և «Հայաստանի Բարեկամներ Բժշկական Ասոցիացիա»-յի հետ համատեղ սեպտեմբերի 19-ից մինչև 23-ը Իսպանիայից կժամանի 40 հոգանոց բժշկական թիմ և կիրականացնի բարեգործական վիրահատություններ Արցախի բնակիչների համար: Բուժօգնությունը ցուցաբերվելու է չորս հիվանդանոցներում՝ Ստեփանակերտի «Հանրապետական բժշկական կենտրոն», «Արևիկ» բուժմիավորում, Մարտակերտի և Մարտունու շրջանային բուժմիավորումներում:
Վիրահատությունները կատարվելու են հետևյալ ոլորտներում.
- Անոթային վիրաբուժություն
- Պլաստիկ վերականգնողական վիրաբուժություն (հետայրվածք, վնասվածքային դեֆորմացվող սպիներ, ջլամկանային ապարատի հնացած և թարմ վնասվածքներ, փափուկ հյուսվածքների բարորակ գոյացություն)
- Ինտերվենցիոն սրտաբանություն
- Մանկական վիրաբուժություն
- Ընդհանուր վիրաբուժություն (1. Որովայնի բաց և լապարասկոպիկ վիրահատություն, 2. Աճուկային ճողվածքի էնդոսկոպիկ վիրահատություն)
- Ուրոլոգիա
- Օդոնտոլոգիա
Լրացուցիչ տեղեկությունների համար զանգահարել «Հանրապետական բժշկական կենտրոն»՝ /047/94-13-50, «Արևիկ» բուժմիավորում՝ /047/94-55-01, «Մարտակերտի Ռ. Բազյանի անվան ՇԲՄ»՝ +37447421126 կամ +37447421382, «Մարտունու ՇԲՄ» ՝ +37447821103 հեռախոսահամարներով: