Ինչո՞վ է գերվերամշակված սնունդը վտանգավոր տղամարդկանց համար

Մեծ գերվերամշակված սննդամթերք օգտագործող տղամարդկանց մոտ կոլոռեկտալ քաղցկեղի առաջացման վտանգը 29 տոկոսով ավելի բարձր է, քան այն տղամարդկանց մոտ, ովքեր շատ ավելի քիչ են օգտագործում այդ մթերքները, ասվում է Թաֆթսի եւ Հարվարդի համալսարանի գիտնականների նոր հետազոտության մեջ, որի արդյունքները հրապարակվել են British Medical Journal ամսագրում:

Հետազոտողների խոսքով՝ նրանք նույն կապը չեն գտել կանանց մոտ, բայց դեռ չգիտեն, թե ինչու:

Տաքացման համար նախատեսված վերամշակված մթերքները, նախաճաշից մինչեւ սառեցված պիցցա եւ փաթեթավորված քաղցր նախուտեստներ, որոնցում մեծ քանակությամբ շաքար, յուղեր, ճարպեր եւ զտված օսլա է պարունակվում, այժմ կազմում են ԱՄՆ չափահաս բնակիչների կողմից սպառվող օրական ընդհանուր կալորիաների 57 տոկոսը:

Գիտնականները պարզել են, որ կոլոռեկտալ քաղցկեղի եւ գերվերամշակված սննդի միջեւ ամենաուժեղ կապը տղամարդկանց մոտ տեղի է ունենում այն ​​ժամանակ, երբ նրանք միս, թռչնամիս կամ ձկան հիմքով պատրաստի ուտելիքներ են օգտագործում, ինչպիսիք են երշիկեղենը, բեկոնը, խոզապուխտը։

Հիվանդությունների վերահսկման եւ կանխարգելման կենտրոնի տվյալներով՝ կոլոռեկտալ քաղցկեղն ախտորոշման հաճախականությամբ չորրորդն է ԱՄՆ-ում թոքերի, կրծքագեղձի եւ շագանակագեղձի քաղցկեղից հետո:

Շաքարով հարուստ քաղցր ըմպելիքների օգտագործումը եւս կապված է տղամարդկանց մոտ կոլոռեկտալ քաղցկեղի բարձր ռիսկի հետ:

Հետազոտությանը մասնակցել է ավելի քան 200 հազար մարդ՝ թե՛ տղամարդիկ, թե՛ կանայք: Նրանց հետեւել են ավելի քան 25 տարի: