Ո՞ւմ չի կարելի սմբուկ ուտել
20:40 6 սեպտեմբերի, 2022Սմբուկի օգտագործումը պետք է նվազագույնի հասցվի աուտոիմուն հիվանդություններ ունեցող մարդկանց դեպքում, «Մոսկվա 24»-ին ասել է ընդհանուր թերապեւտ, սննդաբան, բժշկական գիտությունների դոկտոր Մարգարիտա Կորոլյովան։ Ալերգիայի կամ դիվերտիկուլիտի առկայության դեպքում ավելի լավ է ընդհանրապես հրաժարվել դրանցից։
Մասնագետի խոսքով՝ ցանկացած մորմազգիներ նպաստում են բորբոքային գործընթացներին օրգանիզմում։ Եթե դրանք կանոնավոր ուտել, ապա այդ գործընթացները կարող են սրվել, նախազգուշացրել է սննդաբանը։
«Կանոնավոր կերպով սմբուկ ուտել չի կարելի աուտոիմունային խնդիրներ ունեցող մարդկանց, հատկապես՝ դրանց սրման դեպքում: Դրանք են աուտոիմուն թիրեոիդիտը, հոդերի եւ աղիքների աուտոիմուն հիվանդությունները։ Եւ, իհարկե, այն չպետք է օգտագործեն այդ մթերքի նկատմամբ ալերգիա ունեցող մարդիկ»,- ասել է մասնագետը։
Սմբուկ չպետք է ուտեն նաեւ աղիքային դիվերտիկուլիտով տառապողները, քանի որ մանր սերմերը կարող են մտնել դիվերտիկուլի տարածք եւ աղիների մակարդակում աջակցել բորբոքային գործընթացին եւ սրացում առաջացնել, եզրափակել է սննդաբանը։